28 sen 09:03
Yangiliklar

Velosport, Paralimpiya

Aziz Ataxo'jaev jahon chempionatida yana sovrindor bo'ldi

Ayni kunlarda SHveycariyaning Cyurix shahri para velosportning shosse yo'nalishi bo'yicha jahon chempionatiga mezbonlik qilmoqda.

Etiborlisi, erkaklar o'rtasidagi T1 klassida 31.8 km. masofaga o'tkazilgan guruh poygasi bellashuvlarida ishtirok etgan hamyurtimiz Aziz Ataxo'jaev 1 soat 4 daqiqa 7 soniya natija qayd etib, 3-o'rinni egalladi.

Eslatib o'tamiz, Aziz Ataxo'jaev bundan avval ushbu jahon chempionatida vaqt poygasida ham bronza medalini qo'lga kiritgan va O'zbekiston tarixida jahon chempionatida sovrindor bo'lgan birinchi para velosportchiga aylangan edi.