Badiiy gimnastika bo'yicha O'zbekiston chempionatida g'oliblar aniqlandi

Musobaqada Respublikamizning 12 hududidan 127 nafar sportchi g'oliblik uchun bahs olib bordi. Kutilganidek, yakkalik dasturining ko'pkurash yo'nalishida Taxmina Ikromova katta farq bilan g'alaba qozonib, ayni paytda yurtimizning eng yaxshi badiiy gimnastikachisi ekanini ko'rsatdi. 

SHuningdek, guruh mashqlarida O'zbekiston terma jamoasi azolari ham alohida ishtirok etib, oltin medalga sazovor bo'lishdi. Qayd etish joiz, may oyining oxirida Filippinda Osiyo chempionati kutib turgani bois Ikromova hamda guruh mashqidagi qizlar boshqa dasturlarda ishtirok etishmadi. 

Terma jamoa murabbiylar shtabi ushbu musobaqa orqali qita birinchiligi oldidan asosiy tarkib sportchilarining holatini yana bir karra ko'zdan kechirishdi. SHaxsiy yo'nalishdagi ko'plab dasturlarda esa Yosmina Rahimova oltin medallarni qo'lga kiritdi. 

Barcha g'olib va sovrindorlar:

Ko'pkurash, yakkalik:
1. Taxmina Ikromova (Samarqand)
2. Yosmina Rahimova (Toshkent sh.)
3. Vilana Savadyan (Samarqand)

Guruh mashqi:
1. O'zbekiston terma jamoasi
2. Toshkent sh.
3. Buxoro

Guruh mashqlari bo'yicha alohida dasturlar, 5 halqa:
1. RIOZBO'SM
2. Navoiy
3. Samarqand-2

3 tasma va 2 to'p:
1. Samarqand-1
2. Toshkent sh
3. Namangan

YAkkalik dasturida alohida mashqlar, halqa:
1. Vilana Savadyan (Samarqand)
2. Yosmina Rahimova (Toshkent sh.)
3. Madina Rustamova (Toshkent sh.)

To'p:
1. Yosmina Rahimova (Toshkent sh.)
2. Vilana Savadyan (Samarqand)
3. Madina Rustamova (Toshkent sh.)

Bulava:
1. Yosmina Rahimova (Toshkent sh.)
2. Nigina Azizova (Samarqand)
3. Fazoda Saydullaeva (Samarqand)

Tasma:
1. Yosmina Rahimova (Toshkent sh.)
2. Vilana Savadyan (Samarqand)
3. Asal Ahmedova

Jamoaviy ko'pkurash:
1. Samarqand
2. Toshkent sh
3. Navoiy