So’nggi yangiliklar

17:25"Махачевнинг фаолияти тўлиқ Хабиб қарорларига боғлиқ" - Сехудо 0 17:02UFC собиқ чемпиони фаолиятини якунлади 0 16:38Топурия тайёр эмасми? UFC президенти жанг анонси кечикишини изоҳлади 0 16:16Португалиялик футбол агенти Файзуллаевнинг "Бенфика"га трансфери масаласида фикр билдирди 0 15:54WBA рейтинги янгиланди. Ўзбек боксчиларининг ўрни қандай? 0 15:28Рамазон Темиров билан жамоадош қирғизистонлик спортчи захира жангчиси сифатида UFC'га қўшилди 0 15:05Муҳаммад Мокаев Karate Combat 54 турнирида қозоғистонлик спортчи билан жанг қилади 0 14:40Афсонавий Кафу Қозоғистонга келди (ФОТО) 0 14:17Баҳодир Жалолов: "Дичко бу жанг орқали кўп нарса ютқазмаслиги мумкин, аммо мен..." 0 13:54ONE FC рейтингининг кучли бешлигидаги Санжар Зокиров эртага тонгда учинчи рақамли спортчига қарши жанг қилади 0 13:30Оғир вазн тоифасидаги рейтинг жанги UFC 316 турнирига кўчирилди 0 13:07"Рома" афсонаси АПЛ жамоасини бошқариши мумкин 0 12:46Хоккей бўйича ЖЧ олдидан. Рақибимиз - Қувайт! 0 12:25Чимаев: "Конорни топмоқчи бўлганман, лекин мени ҳибсга олишган" 0 12:04Дмитрий Бивол қайси жангни истаётганини айтди 0

04 noy 11:48
Yangiliklar

Boshqalar

Badminton bo'yicha O'zbekiston kubogi boshlandi, uning ochilish marosimiga Bosh vazir o'rinbosari keldi

O'zbekiston badminton federaciyasiga qarashli Badminton markazida shaxsiy va jamoaviy birinchilik bo'yicha O'zbekiston kubogi bahslariga start berildi.

Musobaqada mamlakatimizning 10ta hududidan jami 85 nafar sportchi g'oliblik uchun kurash olib boradi. Ayrim sabablarga ko'ra, O'zbekiston kubogi bahslariga Qoraqalpog'iston Respublikasi, Navoiy, Samarqand va Jizzax viloyatlari vakillari etib kelishmadi.

7 noyabrga qadar davom etadigan musobaqada badminton sporti bo'yicha mamlakat terma jamoasiga munosib nomzodlar saralab olinadi. O'zbekiston kubogida 49 nafar erkak hamda 36 nafar ayol sportchi g'oliblik uchun kurashga kirishdi.

Musobaqaning jamoaviy bahslarida har bir jamoa bir-biri bilan davraviy tizimda o'zaro kuch sinashadi, eng ko'p ochko to'plagan jamoa esa g'oliblikni qo'lga kiritadi. So'ngra shaxsiy birinchiliklarga start beriladi.

Kecha musobaqaning tantanali ochilish marosimi o'tkazildi. Tadbirda O'zbekiston Respublikasi Bosh vazirining o'rinbosari, O'zbekiston badminton federaciyasi raisi Aziz Abduhakimov, Jismoniy tarbiya va sport vazirining o'rinbosari Avazjon Karimov, Milliy Olimpiya qo'mitasi Bosh kotibi Oybek Kasimov, O'zbekiston badminton federaciyasi masul xodimlari hamda ommaviy axborot vositalari vakillari ishtirok etdi.

Musobaqani Bosh vazirning o'rinbosari A.Abduhakimov ochib berdi:

- Bugungi musobaqa mamlakatimizda badminton bo'yicha yubiley, yani o'ninchi marta tashkil etilmoqda. Takidlash kerak, yurtimizda badminton sportiga shu kungacha jiddiy etibor qaratilmayotgan edi. Biroq, badminton sporti xalq orasida keng ommalashgan sport turi hisoblanadi. Yaqinda imzolangan Prezident farmoniga muvofiq, aholi o'rtasida ommaviy sportni rivojlantirish va sog'lom turmush tarzini targ'ib qilishda ustuvor etib belgilangan 7ta yo'nalish qatoridan badminton sporti ham o'rin olgan. Ayni paytda O'zbekiston kubogida ishtirok etayotgan har bir sportchi ushbu sport turini aholi orasida ommalashtirishga ham yordam berishi lozim. Birgalikda ushbu sport turini respublikamizda eng ommalashgan sport turlaridan biriga aylantiramiz. Fursatdan foydalanib bugungi musobaqani ochiq deb elon qilaman va barchangizga omad tilayman.

SHundan so'ng musobaqalarga start berildi. O'zbekiston kubogi g'oliblari Jismoniy tarbiya va sport vazirligi hamda O'zbekiston badminton federaciyasi tomonidan medal, diplom hamda qimmatbaho sovg'alar, sovrinli o'rinlarni qo'lga kiritgan jamoalar Jismoniy tarbiya va sport vazirligi kubogi bilan taqdirlanadi.

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing