Badmintonchilarimiz Maldivdagi turnirda sovrindor bo'lishdi

“Maldives International Future Series-2019” turnirining erkaklar o'rtasidagi juftlik bahslarida 18 mamlakat sportchilari ishtirok etishdi. Murosasiz kechgan bahslarda hamyurtlarimiz — Artyom Savatyugin (Toshkent) va Amrullo Baxshulaev (Buxoro) juftligi faxrli 3-o'rinni qo'lga kiritdi.

SHiddatli o'tgan asosiy to'rning birinchi raundida sportchilarimiz malayziyalik sportchilar juftligini 2:1 hisobida mag'lubiyatga uchratdi. Ikkinchi bosqichda esa ular hindistonlik sportchilar ustidan 2:0 hisobida g'alaba qozongan bo'lsa, final yo'lida vakillarimiz tailandlik sportchilardan iborat juftlikka 0:2 hisobida imkoniyatni boy berishdi. Yakunda hamyurtlarimiz 3-o'rin bilan kifoyalandi.