Bahodir Jalolov: "Dichko bu jang orqali ko'p narsa yutqazmasligi mumkin, ammo men..."

"Bu jang qiziq emas deganda boshqa narsani nazarda tutgandim. Meni promouterlarim bor, barchasini ular hal qiladi. 4-5 yil ilgari ko'p bokschilar, jumladan, Dichko, kubaliklar va Jo Joysga ham mag'lub bo'lganman. Prof boksda hammasidan revansh olsam, qanaqa bo'ladi? Hammaning o'z yo'li bor, deb shu manoda aytdim. Qozog'istonliklar bu jangga shunchalik qiziqayotgan ekan, qandaydir pul tikadigan odam bo'lsa, bizga taklif bilan chiqsin, qabul qilamiz. Hamma narsa pulga bog'liq bu vaziyatda. Agar Ivan bu ehtimoliy jangda mag'lub bo'lsa, ko'p narsa yo'qotmaydi. Lekin bu og'ir vazn toifasi va bu erda birgina zarba ko'p narsani hal qilishi mumkin. Bu holatda mag'lubiyat orqali men ko'p narsa yo'qotishim mumkin", dedi Jalolov.

Bahodir ertaga Qozog'istonda ukrainalik Igor SHevazuckiyga qarshi ringga ko'tariladi.