Bahodir Jalolov: "Hech qachon pul uchun jang qilmadim"

"Alhamdulillah! Hayotimning 15 yilini havaskor boksga bag'ishladim. Har narsani boshi bo'lganidek, yakuni ham bor. Mana shu kun keldi. Bu uzun yo'lda ko'plab tanqidlar, gap-so'zlar bo'ldi, men bularning hammasidan to'g'ri xulosa chiqardim va ulardan kuch oldim. 

Men hech qachon pul uchun havaskor boksda jang qilmadim. Faqat va faqat Vatanim bayrog'ini yuqori ko'tarib, Olimpiya o'yinlarida Vatanim uchun oltin medalni olib berish uchun harakat qildim. Alhamdulillah, biz buni uddaladik. 

Bu yo'lda meni qo'llab-quvvatlagan barchaga, Onamga, ustozlarimga va yaqinlarimning bariga minnatdorlik bildiraman. Biz buni birgalikda uddaladik! Endilikdagi maqsadim - professional boksda eng kuchli bo'lish. Bu yo'lni ham sizlar bilan birga zabt etamiz. Sizlarni qalban yaxshi ko'raman, yaqinlarim!", deb yozdi Jalolov.