Bahodir Jalolovning bo'lajak raqibi ikki yulduz bilan jang qilgan

Havaskor boksda Olimpiya o'yinlarining ikki karra g'olibi bo'lgan Jalolov 5 aprel kuni Qozog'istonning Astana shahrida Top Rank promouterlik kompaniyasi tomonidan tashkil etiladigan musobaqada ishtirok etadi.

Boxer TV malumotiga ko'ra, o'sha kuni Big Uzbek'ga ukrainalik Igor SHevadzuckiy raqib bo'ladi.

34 yashar SHevadzuckiy faoliyati davomida 14 ta jang o'tkazib, ularning 12 tasida g'alaba qozongan (10 ta nokaut) va 2 ta jangda imkoniyatni boy bergan (1 ta nokaut).

Qizig'i, Igor har ikki mag'lubiyatini faoliyatida to'qnash kelgan eng tajribali raqiblaridan qabul qilib olgan. U 2023 yil aprel oyida Polshada tashkil etilgan boks oqshomi doirasida WBO sobiq chempioni, kongolik Martin Bakolega texnik nokaut orqali mag'lub bo'ladi.

2024 yil mart oyida esa Igor bolgariyalik taniqli Kubrat Pulev bilan jang qilgan va ochkolar hisobiga ko'ra imkoniyatni boy bergandi.

30 yoshli Jalolov esa prof faoliyati davomida hozircha 14 ta jang o'tkazib, ularning barchasini muddatidan oldin o'z foydasiga yakunlagan.