Bahodirlar o'yini va tosh ko'tarish bo'yicha xalqaro turnirda polvonlarimiz birinchi bo'lishdi + FOTO

O'zbekiston Jismoniy tarbiya va sport vazirligi va O'zbekiston Bahodirlar o'yini va tosh ko'tarish federaciyasi tomonidan tashkil etilgan Xalqaro ochiq turnirda yurtimiz sportchilaridan tashqari Turkiya, Rossiya, qo'shni Qozog'iston, Qirg'iziston va Tojikiston davlatlaridan kelgan apl polvonlar medallar uchun kurash olib bordi.

Xalqaro Ochiq kubok yakuniga ko'ra hamyurtimiz Hamza Primov eng yaxshi natija bilan birinchi o'rinni egalladi. Terma jamoamizning yana bir azosi SHuhrat Alixanov kumush, qozog'istonlik Aleksey Pisarevskiy bronza medaliga sazovor bo'ldi. Umumjamoa hisobida O'zbekiston terma jamoasi birinchi, Qozog'iston ikkinchi, Rossiya esa uchinchi o'rinni band etdi. Turkiyalik polvonlarga to'rtinchi o'rin nasib etdi.    

Yoshlar o'rtasidagi bahslarda shoxsupaning uchchala pog'onasi ham o'zbekistonlik polvonlar tomonidan band etildi. Nuriddin Ergashev birinchi, SHodilbek Ergashev ikkinchi, qoraqalpog'istonlik Og'abek Mirsharipov uchinchi o'rinni egalladi.

Bahodirlar o'yini bo'yicha O'zbekiston kubogida esa Dilmurod Qurbonovga teng keluvchi raqib topilmadi. Taniqli og'ir atletikachimiz Rustam Jangabaev ikkinchi, Bahodir Yo'lchiev esa kuchli uchlikka yakun yasab berdi.