“Barkamol avlod-2021” sport musobaqalarining navbatdagi final bosqichi Jizzaxda bo'lib o'tadi

Barchamizga malumki, akademik licey va professional talim muassasalari o'quvchi-yoshlari o'rtasida bo'lib o'tayotgan sport festivalida 12 sport turi bo'yicha eng kuchlilar aniqlanmoqda.

Dekabr oyining avvalida Nukus shahri mezbonlik qilgan dastlabki musobaqa dzyudo bo'yicha bo'lib o'tgan edi va unda 250 nafardan ortiq sportchilar bellashishgandi.

Jizzaxda tashkil etiladigan musobaqa esa final bosqichining ikkinchi musobaqasi hisoblanadi. Engil atletika bo'yicha hududiy bosqichda saralab olingan sportchilar 16 dekabr kuni Jizzaxda jam bo'lishadi va 17 dekabrdan musobaqalardagi ishtirokini boshlaydi.

2 kun davomida engil atletikaning bir qator yo'nalishlarida g'olib va sovrindorlar nomiga aniqlik kiritiladi. Musobaqada jami 196 nafar sportchi ishtirok etishi kutilmoqda.

“Barkamol avlod-2021” dasturidan o'rin olgan keyingi sport turi kurash bo'yicha final musobaqalari dekabr oyi yakunida Buxoro viloyatida bo'lib o'tishi belgilangan.