"Barselona" 2017 yildan beri ilk bor La Ligani beshta g'alaba bilan boshladi

Xansi Flik jamoasi kecha safarda "Jirona"ni 4:1 hisobida mag'lub etdi. Bunga qadar "Valyadolid" (7:0), "Rayo Valekano" (2:1), "Atletik" (2:1) va "Valensiya" (2:1) klublari taslim etilgandi.

"Blaugrana" so'nggi bor 2017/18 yilgi mavsumda Ispaniya chempionatini beshta g'alaba bilan boshlagandi. G'alabali seriya 8-turga kelib yakunlangan edi. "Barselona" keyingi turni 22 sentyabrda "Vilyarreal"ga qarshi o'tkazadi.