"Barselona" boshqaruviga kim keladi?

"Tiempo de Juego" nashri "Barselona" murabbiyi Kike Seten istefoga chiqarilganini malum qildi. 15 avgust tongida klub prezidenti kelasi hafta yangi bosh murabbiy tayinlanishini tasdiqlagan edi.

Endi klubga yangi mutaxassisni jalb qilish masalasi asosiy planga chiqadi. Oldinroq jamoa etakchisi Leo Messi Pochettino nomzodini maqullashi to'g'risida xabarlar tarqaldi. Ammo argentinalik mutaxassis faqat 3 yillik shartnomaga imzo chekmoqchi. "Ko'k-anorranglilar" esa klubda rahbariyat almashinuvi sodir bo'lishi mumkinligi tufayli "1+1" shaklidagi bitimga rozi bo'ladigan murabbiy qidiryapti. Ayrim manbalar Teri Anri, Allegri yoki Ronald Kuman klubda ish boshlashi to'g'risida yozyapti. 

"Mundo Deportivo" Ronald Kuman "Barsa"da ish boshlash uchun hatto Niderlandiya terma jamoasidan ketishga tayyorligini malum qildi. 

SHuningdek, so'nggi soatlarda Messi jamoani tark etishini tasdiqlovchi va rad etuvchi yangiliklar ham chiqdi.