"Barselona" futbolchilari maoshi pasayishiga rozi bo'lishdi

"Mundo Deportivo" xabariga ko'ra, Kataloniya klubi prezidenti Jozep Bartomeu futbolchilar Jerar Pike, Serxio Buskets va Serxio Roberto bilan uchrashuv o'tkazgan va bu borada ularga taklif bildirgan. Ispaniya chempionati boshlanmayotgani sababli ular maosh kamayishiga rozi bo'lishgan.

Koronavirus tufayli klublar katta mablag' yo'qotishdi. "Barselona"ning 2020 yilgi mavsum uchun byudjeti 1 milliard 47 mln evroni tashkil qiladi. SHulardan 552 millioni maoshlarga sarflanadi.