“Barselona” La Ligaga transferga ruxsat olish uchun so'rov yubordi

“Barselona” rahbariyati Usmon Dembelening operaciyasi haqidagi malumot va hujjatlarni La Ligaga yubordi. Uch kun ichida La Liga shifokorlar komissiyasi o'z qarorini malum qiladi. Liga rahbariyati transfer oynasi yopilgan bo'lsa-da, klubga jarohat sabab yangi futbolchi xaridiga ruxsat berishi mumkin. Bu borada La Liga reglamentida qayd etib o'tilgan.

Qayd etish joiz, Dembeledan tashqari jamoaning asosiy hujumchisi Luis Suares ham jarohat olgan. Biroq Suaresning aprelda safga qaytishi kutilmoqda. Usmon uchun esa mavsum yakunlandi.