"Barselona" Nike dan 1,7 mlrd evro oladi

Kataloniya klubi va Amerika kompaniyasi yangi bitim imzolashga yaqin turibdi. Tomonlar kelishuvni yana 10 yilga uzaytirishadi. SHartnomada kelishuvni uzaytirish uchun 158 mln. evro miqdorida bonus belgilangan.

Bu mablag' kelishuv yillariga teng bo'lib yuboriladi. SHartnoma muddati 14 yilni tashkil qiladi: Amaldagi shartnomaning 4 yili (2028 yilgacha) va 10 yillik yangi bitim (2028dan 2038 yilgacha). SHunday qilib, har mavsum uchun to'lov 11,28 mln. evroga teng bo'ladi.

Umumiy hisobda yangi shartnoma "Barselona"ga 1,7 mlrd evro daromad keltiradi, bu har mavsum uchun o'rtacha 127 mln. evro degani.