"Barselona" o'yinchilari bu yil yangi yil sovg'alarini olishmadi. Bu klub ananasi edi

"Barselona" klubi bu yil o'z o'yinchilariga yangi yil sovg'asi bermadi. Jamoa sobiq prezidenti Bartomeu davrida klub futbolchilari muntazam ravishda yangi yil sovg'alarini olishardi. Ushbu odat klubda ananaga aylanib qolgandi. 

Sovg'alar eng so'nggi "iPhone", "iPad" modeli yoki boshqa qimmatbaho buyumlar ko'rinishida bo'lar edi. Bu yil ham futbolchilar sovg'alar kutishgan edi. Ammo, klub moliyaviy jihatdan qiyinchilik davrida, har qanday ortiqcha harajatlardan tiyilishga urinmoqda.