"Barselona" o'yinchisi koronavirusga chalindi

COVID-19 bugun yangi mavsumga tayyorgarlikni boshlagan 9 futbolchining birida aniqlangan. Bular: Pedri, Fransishku Trinkau, Mateus Fernandes, Jan-Kler Todibo, Mussa Vage, Karles Alenya, Rafinya, Xuan Miranda va Oriol Buskets. Ushbu o'yinchilarning barchasi ijaradan qaytgan.

Kasallangan o'yinchining kimligi haqida malumot berilmayapti, ammo shunisi aniqki, u o'zini yaxshi his qilmoqda va uyida o'zini izolyaciya qilgan.

Xabarlarga ko'ra, o'sha o'yinchi bugun CHL 1/4 final doirasidagi "Bavariya"ga qarshi o'yin uchun Lissabonga uchib ketishi kerak bo'lgan o'yinchilar bilan aloqa qilmagan va o'yin o'tkaziladi.