“Barselona” yirik g'alabaga erishdi va yana peshqadamga aylandi

Birinchi bo'limning o'rtalariga kelib Messi ketma-ket uchta raqibni dog'da qoldirib, ajoyib zarbasi bilan hisobni ochdi. Keyinchalik Messi jamoadoshi Neymarni qulay vaziyatga chiqardi. Braziliyalik futbolchi esa yaqin masofada turgan bo'lishiga qaramay to'pni darvozabon ustidan oshirib to'rga yo'lladi. 

Ivan Rakitich esa ofsayddan gol urib hisobni yiriklashtirdi. Keyinchalik burchak to'pi tezlik bilan o'yinga kiritilgach, markaziy himoyachi Samuel Yumititi o'z hisobiga gol yozib qo'ydi. 

O'yinga yakuniy nuqtani ham uchrashuvning eng yaxshi futbolchisiga aylangan Messi qo'ydi. U chap qanotdan raqib jarima maydonchasiga kirib bordi va to'pni himoyachining oyoqlari orasidan yaqin burchakka yo'lladi – 5:0.

Bu g'alabadan keyin “Barselona” ochkolari sonini 60 taga etkazib, La Liga turnir jadvalida peshqadamlikni o'z qo'liga oldi. Ulardan bitta kam o'yin o'tkazgan “Real” peshqadamdan bir ochkoga ortda qolmoqda.

Ispaniya chempionati, 26-tur.

“Barselona” – “Selta” 5:0

Gollar: 1:0 – 24 Messi, 2:0 – 40 Neymar, 3:0 – 57 Rakitich, 4:0 – 61 Umtiti, 5:0 – 64 Messi.

“Barselona”: Ter Stegen, Umtiti, Pike, Alba, Serji Roberto (Inesta, 67), Rakitich, Buskets (Maskerano, 61), Rafinya, Neymar (Denis Suares, 70), Messi, Suares.

“Selta”: Alvares, Gomes, Kabral, Kastro, Ronkalya, Vass (Dias, 68), Radoya, Bongonda (Sisto, 51), Malo, Gvidetti (Xosabed, 62), Aspas.

Ogohlantirishlar: Buskets (20), Kabral (36), Radoya (38), Gomes (49).