Basketbol. G'oliblar Buxoroga borishadi

O'zbekiston Respublikasi Prezidentining 2017 yil 3 iyundagi “Jismoniy tarbiya va ommaviy sportni yanada rivojlantirish chora-tadbirlari to'g'risida”gi Qarori ijrosini taminlash maqsadida O'zbekiston “Barkamol avlod” jismoniy tarbiya va sport jamiyati Markaziy Kengashi hamda qator mutasaddi tashkilotlar hamkorligida tashkil etilgan “Barkamol avlod sport jamoalari” musobaqlari ayni avj pallasida. 

Dasturdan o'rin olgan navbatdagi sportning basketbol turi shu kunlarda mamlakatimizning barcha hududlaridagi akademik licey, kasb-hunar kollej o'quvchilari o'rtasida viloyat saralash bellashuvlari yakuniga etmoqda.

Barcha qulayliklarga ega, keng va yorug' CHirchiq tibbiyot kolleji sport zalida o'tgan viloyat saralash bellashuvlarida ham o'z hududlarida eng yuqori o'rinni band etgan Olmaliq, CHirchiq shaharlari, Bekobod, Oqqo'rg'on, CHinoz hamda Yuqori CHirchiq tumanlaridan yig'ilgan sportchi-o'quvchilar g'oliblik uchun kuch sinashishdi.  

Basketbol bo'yicha uchinchi saralash bosqichi viloyatdagi iqtidorli sportchilarni saralab berdi, deyish mumkin. SHu kuni o'g'il bolalardan iborat 6ta jamoa Respublika finalida ishtirok etish maqsadida bor imkoniyatlarini sinovdan o'tkazishdi. 

Qiziqarli va ko'taringki ruhda o'tgan bellashuvlarda CHirchiq, Olmaliq, Bekobod jamoalari musobaqaga yaxshi tayyorgarlik ko'rganliklari bellashuvlar davomida yaqqol sezilib turdi. Musobaqa yakunida ham aynan ushbu jamoalar kuchli uchlikni band etishdi. 

Yakuniy natijalarga ko'ra, birinchi o'rinni mezbonlar qo'lga kiritgan bo'lishsa, ikkinchi o'rin Olmaliq jamoasiga nasib etdi. Uchinchi o'rinni Bekobod tumani o'quvchilari egallashdi.

Alisher SULTONOV, CHirchiq tibbiyot kolleji jismoniy tarbiya rahbari:

- “Barkamol avlod sport jamoalari” musobaqalari dasturidan o'rin olgan basketbol sport turi bo'yicha o'tkazilgan viloyat saralash bahslarida sportta ishtiyoqi baland, iqtidorli sportchi – o'quvchilar ko'pligi Respublika final musobaqalarida natijalarimiz ijobiy bo'lishiga zamin bo'ladi, deb o'ylayman. 

Finalga yo'l olgan jamoa orasida ikki nafar o'quvchilarimizning borligi ham bizni quvontiradi. Kollejimizda jismoniy tarbiya va sportga bo'lgan etibor yuqoriligi bois bu kabi musobaqalarda shogirdlarimizning ishtiroki va muvaffaqiyatlarga erishishi biz kabi o'qituvchi - murabbiylarning o'z kasbimizga bo'lgan shijoatimizni yanada oshiradi. Buxoro mezbonlik qiladigan final musobaqalarida shogirdlarimizga CHirchiq tibbiyot kolleji rahbariyati nomidan, jismoniy tarbiya o'qituvchisi Dilshod Isametov va boshqa ustozlar nomidan omad tilaymiz    

Musobaqa yakunida g'olib va sovrindorlar O'zbekiston “Barkamol avlod” jismoniy tarbiya va sport jamiyati Toshkent viloyat mintaqaviy bo'limi, O'zbekiston Yoshlar Ittifoqi Toshkent viloyati Kengashi tomonidan  diplom va esdalik sovg'alari bilan mukofotlanishdi. 

Eslatib o'tamiz, g'olib jamoa endi joriy oyda Buxoro viloyatida o'tadigan Respublika final musobaqalarida ishtirok etadi.      

Ilhom RAHMONOV tayyorladi