Basketbol. Qarshida ham kuchlilar saralandi

“Barkamol avlod” jismoniy tarbiya va sport jamiyati Qashqadaryo viloyati mintaqaviy bo'limi tomonidan o'tkazilgan mazkur viloyat saralash bellashuvlarida barcha tuman va shaharlardan g'oliblikni qo'lga kiritgan jamoalar mamlakat bosqichiga chiqish uchun murosasiz kurash olib borishdi. 

Ushbu saralashda CHiroqchi, Qamashi, Koson, Kitob, G'uzor, Qarshi singari tuman o'quvchi-yoshlarining faolligi yaqqol sezilib turdi. Yakuniy natijalarga ko'ra Qarshi shahridagi kollejlarda tahsil olayotgan o'quvchilardan iborat terma jamoa faxrli birinchi o'rinni egallab, Buxoroga yo'l oladigan bo'ldi.

Ikkini o'rin Qarshi tumani yoshlariga nasib etgan bo'lsa, uchinchi o'rinni  G'uzor tumani jamoasi qo'lga kiritdi. G'olib va sovrindor jamoalar diplom va esdalik sovg'alari bilan mukofotlanishdi.  

Sardor Eshboboev, “Barkamol avlod” jismoniy tarbiya va sport jamiyati Qashqadaryo viloyat mintaqaviy bo'limi rais o'rinbosari:

- Musobaqada iqtidorli sportchi-o'quvchilarni aniqlash oson kechmadi. Bugun jismoniy tarbiya va sportga bo'lgan yuksak etibor tufayli eng olis hududlarimizda ham jamoaviy sport turlari yaxshi ommalashayotganini bugungi basketbol musobaqasida kuzatib, guvohi bo'ldik. Buxoroga boradigan jamoani aniqlab oldik. O'ylaymanki, jamoamiz to'rtinchi bosqichda kuchlilar qatoridan joy olish uchun bor mahoratlarini ishga soladi. 

Ilhom Rahmonov tayyorladi