"Bavariya" "Bayer" sardori bilan kelishuvga erishdi, lekin bitta muammo bor

Myunxen klubi futbolchi bilan 2029 yilgacha mo'ljallangan shartnoma shartlarini to'liq kelishib oldi, deya xabar beradi Sky Sport jurnalisti Florian Plettenberg. 

"Bavariya" futbolchining o'zi bilan kelishuvga erishgan bo'lsa-da, lekin Taning hozirgi jamoasi bilan murosa qila olmayapti. "Bayer" o'z himoyachisini kamida 40 million evroga sotishni reja qilgan. "Bavariya" esa 25 million evro va qo'shimcha bonuslar taklif qildi.

O'tgan mavsumda Ta Bundesligada 31 ta o'yin o'tkazib, 4 ta gol va 1 ta assistni o'z hisobiga yozdirib qo'ygan.