​“Bavariya” Bundesliga jadvalida yana pastladi, jamoa kuchli to'rtlikda ham yo'q

“Bavariya” mehmonda “Borussiya D”ga 2:3 hisobida yutqazib qo'ydi. Endi myunxenliklar Dortmund jamoasidan 7 ochko ortda qolishyapti. “Bavariya” ushbu mag'lubiyat sabab 3-o'rindan 5-pog'onaga tushib ketdi.

“Bavariya” so'nggi 8 yilda Bundesliganing 11 turida bunchalik kam (20 ochko) ochko jamg'armagandi. Klub o'z tarixida hech qachon 11-turdan so'ng musobaqa karvonboshisidan 7 ochko ortda qolib, Germaniya chempioni bo'la olmagan.