"Bavariya" Myuller bilan shartnomani uzaytirish uchun shart qo'ydi

Myuller yangi shartnomaga ega bo'lishni istasa, maoshi kamayishiga rozilik berishi kerak bo'ladi. Bu haqda "Bild" nashri xabar bermoqda. Eng yaxshi holatda u bonuslarni qo'shsa, yiliga 10-15 mln evro olishi mumkin.

Hozirda faxriy futbolchining yillik maoshi 20 mlnni tashkil qiladi. Myuller "Bavariya" afsonasi bo'lib, 2007 yildan beri jamoa safida 729 o'yin o'tkazgan. Ularda 246 ta gol urgan va 271 ta golli uzatmani amalga oshirgan.

35 yoshli Myuller maydonda aniq poziciyasi yo'qligi bilan mashhur. U o'zini "bo'shliq izlovchi" deb ataydi.