04 mar 17:32
Yangiliklar

Boshqalar

Baxtda Bahodirlar o'yini va tosh ko'tarish bo'yicha O'zbekiston chempionati boshlandi

Bugun Sirdaryo viloyatining Baxt shahrida Bahodirlar o'yini va tosh ko'tarish bo'yicha O'zbekiston chempionati baxslariga start berildi.

4-7 mart kunlari oralig'ida o'tkaziladigan mamlakat chempionatida o'smirlar, yoshlar, kattalar, faxriylar hamda imkoniyati cheklangan sportchilar medallar uchun bellashishadi. Musobaqada Qoraqalpog'iston Respublikasi, mamlakatimizning deyarli barcha viloyatlari hamda Toshkent shahrida 400 nafardan ziyod sportchilar jam bo'lishgan.

O'zbekiston Bahodirlar o'yinlari va tosh ko'tarish federaciyasi raisi Vohiddin Najmiddinovning saytimizga xabar berishicha, bugun boshlangan musobaqa 27-30 aprel kunlari poytaxtimiz mezbonlik qiladigan Osiyo chempionatiga saralash vazifasini ham o'tab beradi.