Baydarka va kanoechilar Toshkent dengizida, slalomda eshkak eshuvchilarimiz esa Andijonda o'zaro bahslashmoqda

Jumladan, jismoniy tarbiya va sport vazirining 2020 yil 9 oktyabrdagi 1158-sonli buyrug'iga muvofiq baydarka va kanoe hamda parakanoeda eshkak eshish sport turlari bo'yicha O'zbekiston chempionatiga start berildi. 

Mazkur chempionat 10-21 oktyabr kunlari Toshkent viloyati Tuyabo'g'iz suv omborida joylashgan Suv sport turlari bo'yicha Respublika Oliy sport mahorati maktabi tassarufidagi sport bazasida bo'lib o'tmoqda.

Musobaqa bir vaqtning o'zida terma jamoa azolarining jismoniy tayyorgarligini ko'zdan kechirish hamda terma jamoaga nomzodlarni saralash vazifasini o'taydi.

SHu kunlarda Jismoniy tarbiya va sport vazirining 2020 yil 9 oktyabrdagi 1159-sonli buyrug'iga muvofiq slalomda eshkak eshish bo'yicha ham O'zbekiston chempionati bahslari bo'lib o'tmoqda. CHempionat Andijon viloyati Suv sport turlariga ixtisoslashtirilgan bolalar va o'smirlar sport maktabi hududiga yaqin joylashgan anhorda bo'lib o'tmoqda.