Bekobodda taekvondo WT bo'yicha poytaxt viloyatining eng kuchlilari aniqlandi

Mamlakatimizda Olimpiya o'yinlari turkumiga kiruvchi sport turlarini yanada ommalashtirish va ushbu turlar bilan shug'ullanuvchi yoshlarni saralash hamda ularni kelgusidagi nufuzli musobaqalarga tayyorlash borasida olib borilayotgan ishlar samarasini Osiyo va Olimpiya o'yinlarida erishilayotgan yuksak g'alabalarimiz misolida ko'rmoqdamiz.

Ana shunday yuksak natijalar qayd etadigan sportchilarni saralashda avvalo, hududiy miqyosda o'tkaziladigan musobaqalarning ahamiyati katta.  

Bekobod shahrida joylashgan “Yoshlik“ sport majmuasida o'tgan musobaqada Samandar Tovasharov, Samandar Anorboev, Ozodbek Mamadaliev, Timur Nagimov, Maftun Abduhakimova, SHabbona Abduvalieva, Jasmina Turlibekova, Dilso'z Imonova oltin medalga sazovor bo'ldi.