Bektemir bilan jang qiladigan Kovalyovga ayblov qo'yildi

Gap shundaki, rossiyalik 37 yoshli bokschi o'tgan yakshanba kuni DAZN platformasida efirga uzatilgan Saul Alvares - Kallum Smit chempionlik jangining pullik translyaciyasini o'zining Instagram kanaliga ulab qo'ygan. Bu esa qonunga xilof ish. 

Noqonuniy translyaciyani Sergeyning Instagram sahifasida 2500 nafardan ziyod obunachi tomosha qilgan. Bu bilan Kovalyov DAZN platformasiga moliyaviy zarar etkazgan. Ushbu zarar 50 000 dollardan 250 000 dollargacha baholanmoqda. 

Sergey Kovalyov bu kabi "ishkal"larga birinchi marotaba duch kelmayapti. 2018 yilda notanish ayov va uning itiga tashlangani uchun uch yil muddat olgan edi. O'tgan yili samolyotda begona ayolga tegijonlik qilgandi. SHu yilning fevralida Los-Anjeles policiyasi tomonidan mast holda avtomobil boshqarani uchun xibsga olingandi. 

Eslatib o'tamiz, 37 yoshli Sergey Kovalyov so'nggi jangini 2019 yilning noyabr oyida Saul "Kanelo" Alvaresga qarshi o'tkazib, 11-raundda nokautga uchragan edi. Endi uni yanvar oyida hamyurtimiz Bektemir Meliqo'zievga qarshi jang kutib turibdi.