06 dek 12:41
Yangiliklar
Futbol
Bekxem klubi qachon MLSda debyut qiladi?
Mayamining "Inter" klubi o'zining MLSdagi debyut kunini aniqlab oldi.
Liga, jamoa chempionatdagi ishtirokini 2020 yil 1 martda "Los-Anjeles"ga qarshi mehmonda boshlashini elon qildi.
"Inter" o'z maydonidagi birinchi o'yinni esa 14 mart kuni "Los-Anjeles Gelaksi"ga qarshi o'tkazadi.
Eslatib o'tamiz, klub asoschisi va uning egasi Angliya terma jamoasi sobiq sardori Devid Bekxem sanaladi. Sobiq futbolchi klub yaratish loyihasini olti yil oldin boshlagan.
"Inter" o'z uy o'yinlarini Fort-Loderdeyldagi 19 ming o'rinli yangi stadionda o'tkazadi va bir necha yillardan keyin Mayami shahridagi arenaga ko'chib o'tishi ko'zda tutilgan, u 26 ming tomoshabinga mo'ljallangan bo'ladi va 2026 yilgi Jahon chempionati stadionlari ro'yxatidan joy olgan.
Havola :
Manba : championat.asia
Fikrlar