Belal Muhammad nima uchun Dog'istonda mashg'ulot olib borishini aytdi

“Men Dog'istonga borib, u erdagi yigitlar bilan shug'ullanishim shart. Bu men uchun juda ham zarur. Ular orqali men yanada kuchli bo'lishim mumkin. Hech bir dog'istonlikka qarshi sparing janglari oson o'tmaydi va ularning har biri har raundda menga etarli darajada qiyinchilik tug'dira oladi. U erda yig'in o'tkazish men uchun ideal bo'ladi. Men oxirgi marta ular bilan yig'in o'tkazganimda raqibimga hech qanday imkoniyat qoldirmagandim.

Ularning har biri dahshatli jangchilar. Ular har bir mashg'ulotda maksimal darajada harakat qilishadi. Men o'zimning sheriklarim bilan mashg'ulot olib borganimda ularning har bir harakatini oldindan bilaman. Bilmagan sheriklarga qarshi sparinglarda esa men o'zimni sal boshqacha tutaman va to'liq tayyor holda jangga chiqaman”, - dedi Belal Muhammad.