Belal Muhammad SHavkat Rahmonov bilan jang qilmaydi

Muhammad iyul oyining oxirida Leon Edvardsni mag'lubiyatga uchratib, UFC chempionlik kamarini qo'lga kiritgan edi. Belal ilk chempionlik himoya jangiga tayyorgarlik uchun ikki oy kamlik qilishini aytib, qozog'istonlik aralash yakkakurash ustasining taklifiga rad javobii berdi. Divizion reytingida uchinchi o'rinni egallab turgan Rahmonov amerikalik chempionning kamariga bosh davogarlardan hisoblanadi. 

"Bizga 5 oktyabr kuni jang o'tkazish taklifini berishgandi. Men rozi bo'ldim. Afsuski, u tayyorgarlik uchun qisqa muddat vaqt qolishini aytib, bu jangga rozilik bermadi. Belal chempion bo'lsam, uning himoya janglarini uzoq kuttirmayman degandi. Hozircha u o'z so'zining ustidan chiqmyapti. Menga kelsak, istalgan paytda u bilan jang qilishga tayyorman", - dedi Rahmonov. 

Eslatib o'tamiz, 5 oktyabr kuni AQSHning Solt-Leyk-Siti shahrida UFC 307 turniri bo'lib o'tadi. Oqshomning markaziy jangi yarimog'ir vaznda amaldagi chempion Aleks Pereyra hamda reytingning sakkizinchi pog'onasidan borayotgan Xalil Runtri o'rtasida o'tkaziladi.