18 sen 07:31
Yangiliklar

Futbol

Bikmaev ikki o'yinga chetlatildi va 10 000 000 so'm miqdoridagi jarimaga tortildi

“Metallurg” – “Lokomotiv” bahsining 90+4 daqiqasida “temiryo'lchilar” jamoasi zaxira o'rindig'ida o'tirgan Marat Bikmaev hakamlar guruhi shaniga nomaqul so'zlar ishlatdi.

Natijada o'yinni boshqarib borgan hakam – Vladislav Ceytlin ushbu futbolchini maydondan chetlatdi. Vladislav Ceytlin yozma bildirgi orqali ushbu vaziyatga izoh berarkan, Bikmaev avvaliga zaxira hakamini, so'ngra butun hakamlar guruhini haqorat qilganini malum qildi.

Mazkur vaziyat atroflicha o'rganib chiqildi va futbolchi Musobaqalar reglamentining intizomiy va jarimalar kodeksi 3-bo'lim, 5.45 bandining “E” qismini qo'pol ravishda buzgani etirof etildi.

Yakunda Marat Bikmaev navbatdagi ikkita rasmiy uchrashuvdan chetlatildi va futbolchiga nisbatan 10 000 000 so'm miqdorida jarima belgilandi.