Bilasizmi? O'zbekiston - BAA uchrashuvini Osiyo kubogi finalida 3 ta penalti belgilagan hakam boshqaradi

OFK mazkur uchrashuvga xitoylik Ma Ning boshchiligidagi hakamlarni tayinlagan. Bu referi yanvar oyida Qatarda o'tgan Osiyo kubogi final uchrashuvini boshqargan va Qatar foydasiga 3 ta penalti belgilagan edi. Finaldan keyin ijtimoiy tarmoqlarda Akram Afif va bosh hakam turli memlar qahramoniga aylangan edi.

45 yoshli Ma Ning faoliyati davomida O'zbekiston milliy terma jamoasi ishtirokidagi o'yinlarda bosh hakam bo'lmagan ekan. 

Klublarimiz ishtirokidagi bir qator uchrashuvlarda ishlashgan:

"Paxtakor" - "Al Taavon" (S.Arabistoni) 5:4
"Nasaf" - "Al Sadd" (Qatar) 3:1
"Lokomotiv" - "Al Rayan" (Qatar) 3:2
"Paxtakor" - "Al Jazira" (BAA) 3:0
"Zob Ohan" (Eron) - "Bunyodkor" 5:2
"Nasaf" - "Al Ahli" (S.Arabistoni) 2:1
"Fulad" (Eron) - "Lokomotiv" 1:0

Malumot uchun, bu hakam 2018 yil Xitoyda o'tgan U-23 Osiyo kubogi finali doirasidagi O'zbekiston - Vetnam (o'sha mashhur qor jangi) uchrashuvida bosh hakam bo'lishi kerak edi. Ammo sog'ligi tufayli zaxira hakami vazifasini bajargan. Bazi manbalarda Ma Ning o'sha uchrashuv bosh hakami bo'lgan deb yozilgan ammo videolardan ko'rish mumkinki uchrashuvni o'monlik hakam Ahmad Al Kaf boshqargan.