Bilol Muhammad Maxachev uchun chempionlik kamaridan voz kechishga tayyor

U engil vazn chempioni Islam Maxachev bilan jang qilishni xohlamaydi.

"Men uchun pul hech qachon eng muhimi bo'lmagan. SHuning uchun Islam bilan jang qilgim kelmaydi. Ular (Xabib jamoasi) menga juda katta yordam berishgan. SHu bois, o'rta vaznga ko'tarilganim maqul, yarim o'rta vazn kamarini esa Islam olib qo'yaversin.

Men Islam bilan hech qachon jang qilmayman, chunki bu oddiy raqobat emas. Biz birga mashg'ulot o'tkazganmiz, birga qon to'kkanmiz, birga mehnat qilganmiz – bu tamoman boshqa munosabat.

Yarim o'rta vazn kamari yo'lida men top-10 dagi besh nafar jangchini mag'lub etdim. Yana ikki jang o'tkazsam, ikki vazn toifasida chempion bo'lishni xohlashimni aytib, o'rta vaznga ko'tarilaman.

Men hozir 86 kg atrofidaman, shuning uchun o'rta vazn men uchun muammo emas. Ko'pincha o'zimdan yirikroq yigitlar bilan mashq qilaman va ularning kuchini his qilaman. CHimaevni hisobga olmasak, o'rta vazn UFC’dagi eng zaif divizion bo'lsa kerak. UFC 312’ning asosiy jangini ko'ring, shunda mening gapimga qo'shilasiz", - dedi Bilol.