Bir oy oldin "Nasaf"ga mag'lub bo'lgan murabbiy "Roma"da SHomurodovning yangi ustoziga aylanishi mumkin

"La Gazzetta dello Sport" tarqatgan malumotga ko'ra, Rimliklar rahbarlari Paulu Souzaning vakillari bilan aloqaga chiqishgan. Souza BAAning "SHabab al Ahli" klubi ustozi hisoblanadi. 

Bundan bir oycha oldin "SHabab al Ahli" aynan Souza boshchiligida OCHL 2 musobaqasi 2-turi doirasida Qarshida "Nasaf" mehmoni bo'lib 1:2 hisobida mag'lub bo'lib qaytgan edi. Lekin rimliklarni o'ylantirayotgan jihat bor, yani Souzaning hozirgi jamoasi bilan shartnomasida tovon puli ko'rsatilgan. SHu sabab "Roma" rahbarlari boshqa nomzodlarni ham o'rganib chiqishmoqda.

"Roma"ga "CHelsi" sobiq futbolchisi va murabbiyi Frenk Lempardning nomzodini ko'rib chiqishni ham taklif qilishgan.

Bundan tashqari, nomzodlar orasida yaqinda Saudiya Arabistoni terma jamoasidan istefoga chiqarilgan Roberto Manchini, Massimiliano Allegri, Mauricio Sarri, Grem Potter va Edin Terzichlar borligi aytilmoqda.

Mavsum avvalida istefoga chiqarilgan Daniele de Rossini yana ortga qaytarish haqida esa bosh qotirilmayapti.