Birinchi bor o'q otish sportida yosh merganimiz Jahon kubogida sovrindor bo'ldi

Quvonarlisi, unda yosh sportchimiz ushbu darajadagi musobaqada ilk bor shohsupaga ko'tarildi.

Medal yigitlar o'rtasida 10 metr masofaga to'pponchadan otish dasturida Muhammad Kamolov tomonidan qo'lga kiritildi. Hamyurtimiz faqatgina hindistonlik sportchilardan pastroq natija qayd etdi. Mazkur dasturda 70 sportchi saralash bosqichida bahslarga kirishgan edi. Final yo'llanmasini qo'lga kiritgan 8 mergan orasida Muhammad Kamolovdan tashqari boshqa bir vakilimiz Veniamin Nikitin ham medallar uchun kurashdi. Nikitin finalda sakkizinchi natijani qayd etdi.

O'q otish bo'yicha yoshlar o'rtasida Jahon kubogi

Yigitlar, 10 metr, to'pponcha:

1. SHiva Narval (Hindiston)

2. Sarabjot Singx (Hindiston)

3. Muhammad Kamolov (O'zbekiston) ...

8. Veniamin Nikitin (O'zbekiston).

O'zbekiston o'q otish sporti federaciyasining malum qilishicha, bu yosh merganlarimizning Jahon kubogi bosqichlarida qo'lga kiritgan ilk medali sifatida yodda qolmoqda. Bungacha kattalar o'rtasidagi Jahon kubogida 2 bora (1999 va 2008) shohsupaga ko'tarilganmiz.

Zuldagi musobaqada dunyoning 50 davlatidan 516 nafar sportchi ishtirok etmoqda. Bugun ham bir qator dasturlarda terma jamoamiz vakillari medallar uchun kurash olib boradilar.