27 okt 07:43
Yangiliklar

Tennis

Birozdan so'ng Denis Istomin Lujou chempionligi uchun kortga chiqadi

Xitoyning Lujou shahrida o'tkazilayotgan “CHellenjer” turkumiga kiruvchi turnir o'z yakuni sari yaqinlashmoqda.

Sovrin jamg'armasi 54 160 AQSH dollarini tashkil qiluvchi ushbu turnirda mamlakatimizning birinchi raketkasi Denis Istomin ham muvaffaqiyatli ishtirok etyapti. ATP reytingida 211-o'rinni egallab turgan Istomin birozdan so'ng, aniqrog'i Toshkent vaqti bilan soat 08:00da final uchrashuvida kortga chiqadi.

Turnirning 9-raketkasi bo'lgan Denis bosh sovrin uchun bahsda musobaqada 2-raqam ostida tasniflangan, reytingning 93-pog'onasidan joy olgan ispaniyalik Alexandro Davidovich Fokinaga qarshi kortga chiqadi. Tennischilar shu yil aprel oyida ilk bor to'qnash kelishgan va o'sha bahsda Fokina g'alaba qozongandi.