Bishkekda Osiyo o'yinlari tayyorgarligiga bag'ishlangan forum o'tkazilmoqda

Bu safargi musobaqa avgust oyida Indoneziyaning Jakarta va Palembang shaharlarida bo'lib o'tadi. O'yinlar 1951 yildan buyon Osiyo mamlakatlari sportchilari ishtirokida har to'rt yilda bir marta o'tkaziladi. Musobaqa Osiyo Olimpiya Kengashi shafeligida tashkil qilinadi.

Ayni kunlarda Bishkek shahrida G'arbiy va Markaziy Osiyo mamlakatlari uchun ushbu muhim musobaqaga tayyorgarlik masalalariga bag'ishlangan forum o'tkazilmoqda. Tadbir Qirg'iziston Milliy olimpiya qo'mitasi prezidentining tabrik so'zlari bilan boshlandi.

Mazkur forum kun tartibidan shuningdek, Milliy olimpiya qo'mitalarining Olimpiada-2020 ga ko'rayotgan tayyorgarligi, federaciyalar va sportchilar bilan ishlash, ommaviy axborot vositalarining ishi va ularning Osiyo o'yinlardagi roli kabi mavzular ham o'rin olgan.

Forum ishtirokchilari Osiyo o'yinlari uchun delegaciya tarkibini tasdiqdan o'tkazadilar, shuningdek, ularga Xalqaro Olimpiya Qo'mitasining yangi qonun-qoidalari tushuntiriladi. Forum davomida III yozgi o'smirlar Olimpiya o'yinlari va 2020 yili Tokioda o'tkaziladigan Olimpiya o'yinlariga bog'liq turli masalalar ham ko'rib chiqiladi.

Bundan tashqari, forum doirasida 500 nafar maktab o'quvchisi ishtirokida «Fun Run» yugurish bahslari, Olimpiada-2020 tashkiliy qo'mitasining taqdimoti ham bo'lib o'tadi.

Ushbu forum Xalqaro Olimpiya Qo'mitasi, Osiyo Olimpiya Kengashi va Olimpiya birdamligi tomonidan tashkil etilgan bo'lib, unda O'zbekiston, Tojikiston, Qozog'iston, Turkmaniston, Afg'oniston, Iroq, Eron, BAA, Qatar, Yaman, Saudiya Arabistoni, Iordaniya, Falastin, Ummon, Bahrayn va boshqa mamlakat vakillari ishtirok etishmoqda.