19 may 11:31
Yangiliklar

Boks/MMA

Bivol - Ayfert oqshomida bokschimiz Eliminator jangida ringga chiqadi

30 may kuni Rossiyaning Ekaterinburg shahrida RCC Boxing Promotions promouterlik kompaniyasi tomonidan katta prof boks turniri o'tkaziladi.

Oqshomning asosiy jangi yarim og'ir vazn toifasida WBA, IBF va WBO yo'nalishlari chempioni rossiyalik Dmitriy Bivol germaniyalik davogar Mixael Ayfertga qarshi ringga ko'tariladi.

Biz uchun ahamiyatlisi, turnirning asosiy kardida ikkinchi engil vazn toifasidagi buxorolik bokschimiz Muxammad SHexov (17-0-1, 4 KO) venesuelalik Erni "Kichik Monstr" Betankur (27-2-0, 21 KO)ga qarshi jang o'tkazadi. Ushbu jang Eliminator maqomida bo'lib, g'olib jahon chempionlik kamari uchun majburiy davogarga aylanadi.

Turnirning to'liq kardi:

Dmitriy Bivol (24-1-0, 12 KO) vs Mixael Ayfert (13-1-0, 5 KO) — yarim og'ir vazn, WBA, IBF va WBO kamarlari uchun jang.

Vsevolod SHumkov (3-0-0) vs Kristian Antonio Olivo Barreda (23-2-1) — yarim engil vazn, WBA Gold kamari uchun jang.

Vadim Tukov (16-0, 7 KO) vs Sebastyan Orasio Papechi (23-5-0, 9 KO) — ikkinchi o'rta vazn, WBA Gold kamari uchun jang.

Muhammad SHexov (17-0-1, 4 KO) vs Erni Betankur (27-2-0, 21 KO) — ikkinchi engil vazn toifasi, jahon chempionlik kamari uchun majburiy davogarni aniqlab beruvchi jang.

Sergey Lubkovich (20-0-1, 12 KO) vs Maykl King (8-4-1, 6 KO) — yarim o'rta vazn, IBF Asia kamari uchun jang.

Nikita Zon (11-0-1, 9 KO) vs Naxuel Gonsalo Garsia (18-3-1, 16 KO) — ikkinchi o'rta vazn, WBA (g'olib Top-5 reytingga kirib oladi) kamari uchun davogarlik jangi.

SHarabutdin Ataev (8-0-0, 5 KO) vs Saypayer Ruzi (7-0-1, 6 KO) — yarim og'ir vazn, 8 raundlik reyting jangi.

Gor Xachatryan (6-0-1, 5 KO) vs Valeriy Oganisyan (9-0-0, 5 KO) — birinchi yarim o'rta vazn, 6-raundlik reyting jangi.

Matvey Docenko (4-0-0, 3 KO) vs SHugaib Nasrullaev (4-3-1, 1 KO) — birinnchi o'rta vazn, 6 raundlik reyting jangi.

Konstantin Mishechkin (7-0-0, 1 KO) vs Oleg Misyura (10-3-0, 9 KO) — ikkinchi o'rta vazn, 6 raundlik reyting jangi.