Biz bir oilamiz: Umid Ahmadjonov tashabbusi bilan o'zbek boksi yulduzlari futbolchilarimiz bilan uchrashib, ularni qo'llab-quvvatlashdi

Ushbu o'yinning ahamiyati nihoyatda yuqori. Mazkur uchrashuvni finalga qiyoslasak ham mubolag'a bo'lmaydi. Mutaxassislarning taxminicha, ushbu juftlik g'olibi yakunda Osiyo o'yinlari chempionligini qo'lga kiritishi ehtimoli juda yuqori bo'ladi.

Muhim bahs oldidan O'zbekiston Milliy olimpiya qo'mitasi Prezidenti, O'zbekiston futbol associaciyasi birinchi vice-prezidenti Umid Ahmadjonovning topshirig'iga binoan, boksimizning bugungi kundagi yorqin yulduzlari, Olimpiya o'yinlari chempionlari, nufuzli xalqaro turnirlar g'oliblari futbolchilarimiz istiqomat qilayotgan mehmonxonaga tashrif buyurishdi va ularni har tomonlama qo'llab-quvvatlashlarini malum qilishdi. G'oliblik ruxi bilan bo'lishishdi, futbolchilarimizga omad tilashdi. Indoneziyadagi Osiyo o'yinlarida O'zbekiston sport delegaciyasi bayroqdori Isroil Madrimov, Olimpiya o'yinlari chempioni Hasanboy Do'smatov va yana bir qator bokschilarimiz so'zga chiqar ekanlar, futbolchilarimizga omad tilashdi, ruhiy tomonlama qo'llab-quvvatlashlarini takidlashdi. Muxlislar qatorida bokschilarimiz ham futbolchilarga har tomonlama dalda bo'lishlarini alohida qayd etib o'tishdi. O'z navbatida, Ravshan Haydarov shogirdlari ushbu etibordan juda xursand bo'lishdi. Janubiy Koreyaga qarshi o'yinda bor kuch-g'ayratlarini ishga solib, albatta g'alaba qozonishlarini va vada qilingan chempionlikni O'zbekistonga taqdim etishlarini takidlab o'tishdi.