Blic yo'nalishining ilk kuni eng yaxshi natijani 16 yoshli Muhiddin ko'rsatdi

Dunyoning kuchli shaxmatchilari qatorida o'zbekistonlik 11 nafar shaxmatchi ham jahon chempionligi uchun dona surmoqda. Ilk kungi bahslarda 12 ta tur o'ynaldi. O'n ikki imkoniyatdan 10 ochko to'plagan AQSH vakili Xikaru Nakamura yakka peshqadam bo'lib turibdi. Qo'shimcha ko'rsatkichlarga ko'ra niderlandiyalik Anish Giri ikkinchi, jahon tojdori, rapid yo'nalishida jahon chempioni Magnus Karlsen (Norvegiya) uchinchi o'rinni band etgan. 

Hamyurtlarimiz orasida eng yaxshi natijani biroz kutilmaganda 16 yoshli Muhiddin Madaminov (2333) qayd etdi. U 12 imkoniyatdan 8 ochko jamg'arib, qo'shimcha ko'rsatkichlarga ko'ra 18-pog'onadan joy olgan. 14-o'rindagi Denis Lazavikda ham 8 ochko bor. Madaminov o'zidan reytingi ancha yuqori bo'lgan grossmeysterlarning 7 nafarini mag'lub etishni uddaladi va yana ikkisi bilan durang o'ynadi. 

Blic. 12-tur natijalari (Erkaklar):

Muhiddin Madaminov (2333) - Mattias Blubaum (Germaniya, 2634) 1-0

Aleksandr Ryazancev (FIDE, 2595) - Jahongir Vohidov (2507) 0,5:0,5 

Nodirbek Abdusattorov (2666) - David Paravyan (FIDE, 2551) 0,5:0,5

Javohir Sindarov (2639) - Nodirbek Yakubboev (2560) 0,5:0,5

Sumiya Bilguun (Mo'g'uliston, 2365) - SHamsiddin Vohidov (2597) 1-0

Muhammadzohid Suyarov (2217) - Vuk Damyanovich (Serbiya, 2439) 1-0 

Humoyun Begmuratov (2267) - Imangali Ahilbay (Qozog'iston) 1-0

Blic. 9-tur natijalari (Ayollar):

Janell Frayna (Filippin, 2306) - Umida Omonova (1978) 0,5-0,5 

Afruza Hamdamova (2018) - Darya CHarochkina (FIDE, 2284) 0,5-0,5 

Olga Drujinina (FIDE, 2014) - Nafisa Mo'minova (2258) 1-0