11 mar 20:05
Yangiliklar
Tennis
BNP Paribas Open. Naomi Osaka ilk davrada Sloan Stivensni mag'lub etdi
AQSHning Indian-Uells shahri mezbonlik qilayotgan mavsumning ilk "Masters" turnirida birinchi davra o'yinlari davom etmoqda.
Jahonning 78-raketkasi yaponiyalik Naomi Osaka turnirining ilk davrasida WTA reytingida 38-o'rinni egallab turgan amerikalik Sloan Stivensni 3/6, 6/1, 6/2 hisobida mag'lub etdi.
Uchrashuv 1 soatu 54 daqiqa davom etdi. Ushbu vaqt davomida Naomi beshta eys, sakkizta breyk qayd etdi va besh bor qo'shxatoga yo'l qo'ydi. Sloan esa eys amalga oshirmadi, beshta breyk-point qayd etdi va to'rt marta to'pni o'yinga kiritishda xatoga yo'l qo'ydi. Stivens o'zaro uchrashuvlarda ilk bor yaponiyalik tennischiga yutqazdi.
BNP Paribas Open turnirining ikkinchi davrasida Osaka rossiyalik Veronika Kudermetova bilan kuch sinashadi.
Havola :
Manba : gotennis.ru
Fikrlar