18 fev 11:48
Yangiliklar

Futbol

Bobir Abdixoliqov Ukraina klubiga o'tmoqda

Yaqin vaqt ichida o'zbekistonlik hujumchi Bobir Abdixoliqov legionerga aylanadi.

Championat.asia sayti malumotiga ko'ra, Bobir Abdixoliqov Ukraina premer-ligasi ishtirokchisi bo'lgan Lvovning "Rux" klubi bilan shartnoma tuzadi. Futbolchiga Osiyo klublaridan takliflar bo'lgan, biroq futbolchi ayni paytda katta maoshni emas Evropada o'ynashni tanladi.

2003 yilda tashkil topgan mazkur klub o'z uy o'yinlarini Lvov shahridagi "Arena Lvov" stadionida o'tkazadi. Mazkur stadion 2012 yilgi Evropa chempionati o'yinlarini qabul qilgan.

"Rux" o'tgan mavsum quyi ligada ikkinchi o'rinni egallab o'z tarixida ilk bor Premer-ligaga yo'llanma olgan. Ayni paytda "Rux" 14ta o'yindan so'ng 10 ochko bilan musobaqa jadvalining 13-pog'onasida bormoqda.