Boks bo'yicha Qozog'iston terma jamoasi bosh murabbiyi JCH-2023 qura natijalariga munosabat bildirdi

— Yigitlarimiz qura tashlashning har qanday natijasiga tayyor edilar. Biz yaxshi tayyorgarlik ko'rganmiz. Turnir nima maqsadda o'tkazilayotganini hamma biladi. Bugun -60 kg vaznda Talgat Sirimbetov va -92 kg vaznda Aybek Oralbay birinchi bo'lib o'zbek ringiga ko'tariladi. Umid qilamizki, ular vazifani muvaffaqiyatli bajara olishadi. Ringga birinchi bo'lib chiqish har doim katta masuliyatdir. Turnirni g'alaba bilan boshlashimizga va yaxshi natijalar ko'rsatishimizga ishonaman.

- Toshkentdagi jahon chempionatining tashkiliy saviyasini qanday baholaysiz? Malumki, g'alaba uchun katta mukofot pullari tayinlangan.

— Turnir yuqori saviyada o'tmoqda, deb o'ylayman. Unda 107 davlat, 600 dan ortiq bokschilar ishtirok etmoqda. Hamma juda jiddiy tayyorgarlik ko'rgani sezilyapti. Biz uchun asosiysi moliyaviy masala emas, balki mamlakat sharafini munosib himoya qilishdir. SHunday ekan, g'alaba qozonish uchun bor kuchimizni ishga solamiz.

- Kamshibek Konkabaev turnirning ilk bahsida rossiyalik Aleksey Dronovga qarshi ringga ko'tariladi. Ushbu qarama-qarshilikdan nima kutyapsiz?

— Biz Dronovni yaxshi bilamiz. U Rossiya katta umid bog'lagan yosh sportchilardan biri.