Bokschilarimiz WBC Gran-prisining ilk bosqichidan qancha pul ishlab olishdi?

Turnirda besh nafar o'zbekistonlik charm-qo'lqop ustalari ishtirok etishdi.

— yarim engil vazn toifasida Ayubxon Baxtiyorov franciyalik Jamal Xajabni oltinchi raundda texnik nokaut bilan mag'lub etdi;

— super engil vazndagi bahslarda esa Mujibillo Tursunov JAR vakili Maykl Adesodunni ochkolar hisobiga ko'ra taslim etgan bo'lsa, Kamronbek Eshmatov ukrainalik Danilo Lozanga imkoniyatni boy berdi;

— Suxrob Qayumov esa o'rta vazn toifasida tashkil etilgan bellashuvda Franciya vakili Eprem Barikoga ochkolar hisobiga ko'ra mag'lub bo'ldi;

— og'ir vazn divizionida Lazizbek Mullojonov panamalik Marvin Mendosani muddatidan oldin taslim etdi.

SHunday qilib, o'z janglarida g'alaba qozongan bokschilarimiz 15 ming AQSH dollari, mag'lubiyatga uchragan vakillarimiz esa 7 ming AQSH dollari mukofot puliga ega chiqdi.

Endi Ayubxon Baxtiyorov, Mujibillo Tursunov va Lazizbek Mullojonov iyun oyida nimchorak final janglarini o'tkazadi.