Bosh vazir o'rinbosari Xalqaro shaxmat federaciyasi prezidenti bilan uchrashdi

Uchrashuvda Innovacion rivojlanish vaziri Ibrohim Abdurahmonov, Jismoniy tarbiya va sport vaziri o'rinbosari Avazjon Karimov hamda Milliy olimpiya qo'mitasi Bosh kotibi Oybek Kasimovlar ham ishtirok etdi.

Samimiy ruhda o'tgan uchrashuvda A.Abduxakimov so'nggi yillarda mamlakatimizda jismoniy tarbiya va sportga, xususan shaxmatga alohida etibor qaratilayotganligi, buning natijasida Vatanimiz sportchilari xalqaro maydonlarda yuksak natijalar qayd etib kelayotganligini mamnuniyat bilan takidladi.

Ayniqsa, O'zbekiston Respublikasi Prezidentining «SHaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari to'g'risida»gi Qarori bilan O'zbekistonda shaxmatni rivojlantirishning o'ziga xos mexanizmi yaratilganligi, natijada yaqin kelajakda mamlakatimiz dunyoda shaxmati rivojlangan davlatlar qatoridan joy olishga intilayotganligini ham aytib o'tdi.

FIDE prezidenti Arkadiy Dvorkovich yurtimizda shaxmatni rivojlantirishga qaratilgan etibordan mumnun ekanligini takidlab, yosh shaxmatchilarimizning xalqaro maydonlarda qozonib kelayotgan g'alabalarini etirof etdi. Qolaversa, iqtidorli yosh grossmeysterlar yordamida O'zbekiston yaqin kelajakda yanada yorqin g'alabalarni qo'lga kiritishiga ishonishini bildirdi.

SHuningdek, mamlakatimizda shaxmatni rivojlantirish borasida FIDE tomoni O'zbekiston shaxmat federaciyasi bilan amaliy hamkorlik qilishga tayyor ekanligini malum qildi.

Uchrashuv yakunida tomonlar o'zaro sovg'alar almashdi.

Takidlash joiz, bugun Toshkentdagi «O'zekspomarkaz» Milliy ko'rgazmalar markazida ilk bor «INNOPROM. O'zbekistonda katta sanoat haftaligi» xalqaro sanoat ko'rgazmasi o'z ishini boshladi. Rossiya Federaciyasining «Skolkovo» jamg'armasi raisi Arkadiy Dvorkovich yurtimizga tashriffi davomida ushbu tadbirda ham ishtirok etdi.