Boyovutda rekordlarga boy bahodirlar o'yini va tosh ko'tarish musobaqasi o'tkazildi

Musoboqada viloyatlardan jami 300 nafar sportchi ishtirok etdi. Bahslar qizg'in kechdi. Surxondaryolik polvon Dilmurod Qurbonov umumiy hisobda 64 ochko to'plab O'zbekiston rekordini o'rnatdi va 1-o'rinni, Toshkent shahrilik polvon Avazbek Haydarov 2-o'rinni, Andijon viloyatidan ishtirok etgan Otabek Asqarov va farg'onalik Bekzod Xudoyqulov 3-o'rinlarni egalladi.

Yosh polvonlar o'rtasida o'tkazilgan bahslarda ham g'oliblar aniqlandi. Unda Toshkent shahri sharafini himoya qilgan Nuriddin Ergashev 56 ochko to'plab, O'zbekiston rekordini o'rnatdi va 1-o'rinni, andijonlik SHodilbek Ergashev 2-o'rinni, sirdaryolik Javohir Qurbonov va buxorolik Siroj Qilichev 3-o'rinni qo'lga kiritdi.

Musobaqaning ikkinchi kuni tosh ko'tarish bo'yicha sportchilar nizomda belgilangan vaznlar bo'yicha yoshlar, o'smirlar kattalar, fahriylar va imkoniyati cheklangan sportchilar bahslashdi. Umumjamoa hisobida 1-o'rinni Sirdaryo viloyati sportchilari, 2-o'rinni Andijon viloyati sportchilari, 3-o'rinni esa Toshkent viloyati sportchilari egalladi.

Musobaqa g'olib va sovrindorlari rag'batlantirildi.