BRIKS o'yinlariga ro'yxatdan o'tgan mamlakatlarning 20 tasidan umuman sportchi ishtirok etmadi

Bular - Jazoir, Boliviya, Botsvana, Britaniya, Vengriya, Germaniya, Ispaniya, Mavritaniya, Meksika, Paragvay, Peru, Portugaliya, Puerto-Riko, Janubiy Koreya, Slovakiya, Togo, Xorvatiya, CHili, SHveycariya va Esvatini. 

Franciya nomidan faqatgina 2023 yilda Rossiya sharafini himoya qilgan Viktoriya Perisik ro'yxatdan o'tkazilgan. Boshqa ko'plab mamlakatlardan esa 1-2 nafardan sportchi ro'yxatdan o'tgan. Qo'shimchasiga, ular qaysi sport bo'yicha ro'yxatdan o'tgani ham ko'rsatilmagan.

Italiya va Yaponiyadan esa faqatgina breykdanserlar ishtirok etishdi. 

Turnir saytida 90 mamlakatdan sportchi qatnashishi ko'rsatilgan. O'yinlar yakuniga ko'ra umumiy hisobda 38 ta mamlakat sportchisi medal qo'lga kiritgan. 

Eslatib o'tamiz, ushbu musobaqada Rossiya umumjamoa hisobida birinchi o'rinni egalladi. O'zbekiston esa 114 ta medal jamg'arib, musobaqani 4-o'rinda yakunladi.