Bu sharmandalik - Konor Makgregor trilogiyada Neyt Diazni jazolamoqchi

Konor Makgregor ajoyib jangchi. U uzoq vaqtdan beri oktagonga chiqmadi, ammo hammaning diqqat markazida bo'lishda davom etmoqda. Irlandiyalik jon-jahdi bilan tez orada UFC'da jang qilishini ko'rsatmoqda. To'g'ri, bo'ladigan jangga tayyorgarlik ko'rish o'rniga, Konor raqib haqida qaror qabul qila olmaydi. Biroq, amalga oshishi mumkin bo'lgan maqsadlar ro'yxatiga allaqachon Maykl CHendler va Jastin Getji kiritilgan. Va endi Makgregor u ro'yxatga boshqa ism qo'shdi.

Konor Neyt Diazga kuchli zarba berishga qaror qildi. U UFC gangsterini bloger Jeyk Pol bilan ringdagi uchrashuvini tanqid qildi: «Trilogiyada jigaringni sendvich orasiga solaman. Yuzingga ham musht tushirmayman. Bir kun oldingi chiqishing dahshatli edi. Pol shunchaki tormoz, u axlatdan boshqa narsa emas. Ey, Xudoyim, bu sharmandalik edi. Hatto Ronda ham menga hech narsa qilmading, deb sms yozdi».

Balki Konor haqiqatan ham Neyt bilan masalani yopmoqchidir, chunki hozircha ularning qarama-qarshiligi durang. Birinchi jang Diasga nasib etdi, u ikkinchi raunddayoq g'alaba qozondi. Makgregor esa g'alabaga hakamlarning bo'lingan qarori bilan erishdi. Katta ehtimol bilan, irlandiyalikning g'ururi hanuzgacha toptalayotgandek, chunki u Diazni muddatidan oldin mag'lubiyatga uchrata olmadi.

Qolaversa, irlandiyalik barcha bo'lajak raqiblar ichida eng osoni Diaz ekanligini yaxshi biladi. To'g'ri, CHendler so'nggi to'rtta jangning uchtasida mag'lub bo'ldi. Ammo u eng zo'rlariga engildi - CHarlz Oliveyra, Jastin Getji, Dastin Pore. Va ularning har biri bilan yorqin jang ko'rsatdi. SHu sababli, Maykl bilan bo'lajak to'qnashuv Konorning sog'lig'iga katta zarar etkazishi mumkin. Getji bilan uchrashuv bundan ham xavfliroq. U shunchaki Poreni sindirdi va u buni chiroyli tarzda amalga oshirdi. Jastin darajasining eng yuqori cho'qqisida, shuning uchun u irlandiyalikni osongina yo'q qilib yuborishi mumkin.

Bu fonda eng yaxshi variant Diaz bo'lib ko'rinadi. 2016 yilning avgust oyida Konor bilan bo'lib o'tgan so'nggi bahsdan beri Neyt bor-yo'g'i to'rtta jang o'tkazdi. Xorxe Masvidal va Leon Edvards mag'lub bo'ldi, Entoni Pettis va Toni Fergyuson g'alaba qozondi. Ammo, umumiy olib qaraganda, hozirgi Stokton gangsterining sport formasi ideal darajadan uzoq ekanligi aniq. Pol bilan bo'lgan jangda ham xuddi shunday ko'rindi. Agar blogerning o'rnida mahoratliroq raqib bo'lganida, Neyt dastlabki raundlardayoq nokautga uchragan bo'lardi, degan fikr ham yo'q emas.

Konor tajribali jangchi. Va u Diaz bilan jang UFC'ga og'riqsiz qaytishga yordam berishini yaxshi biladi. Ammo Makgregorning o'zi buni rostdan ham xohlaydimi, degan katta savollar tug'iladi. Yoki Neyt bilan boks qoidalariga ko'ra  jang qila oladimi? Ular boksda ko'proq pul topishlari mumkin.

Sarvinoz Raxmonqulova tayyorladi