21 apr 09:30
Yangiliklar

Futbol

Bugun 18:00. "Paxtakor" - "Lokomotiv"

Bugun oliy liganing 7-turidan o'rin olgan bitta uchrashuv bo'lib o'tadi.

Toshkentdagi "Paxtakor" stadionida "Paxtakor" va "Lokomotiv" klublari o'zaro to'qnash kelishadi. Uchrashuv soat 18:00ga belgilangan.

Jamoalar oliy liga doirasida 24 uchrashuvda maydonga tushishgan. 16 o'yinda "sherlar" zafar quchib, 5 durang va 3 mag'lubiyat kuzatilgan. Kiritilgan to'plar bo'yicha ustunlik "Paxtakor" tomonida - 56:21.

"Paxtakor" mezbonlik qilgan 12 o'yinning 9tasida g'olib chiqqan. Ikki uchrashuv durang bilan yakunlanib, bir marta "Lokomotiv" safardan yutuq bilan qaytgan. O'zaro o'yinlar borasida katta ustunlik "Paxtakor" tarafida ekanini ko'rish mumkin.