10 jan 08:36
Yangiliklar

Tennis

Bugun Abduraimova Floridada ikkita uchrashuv o'tkazadi

Xabar berganimizdek, mamlakatimizning ikkinchi raketkasi Nigina Abduraimova yangi mavsumdagi ilk ishtirokini okean ortida boshlaydi.

Hamyurtimiz bugundan AQSHning Florida shtati Daytona Bich shahrida asosiy to'r bahslari boshlangan “Fyuchers” turkumiga kiruvchi musobaqadagi ishtirokini boshlaydi. Musobaqaning sovrin jamg'armasi 25 000 AQSH dollarini tashkil qiladi.

Bugun Abduraimova ilk davrada musobaqaning ikkinchi raketkasi norvegiyalik Ulrikke Elkeriga qarshi kortga chiqadi. 25 yoshli Elkeri dunyo reytingida 218, 23 yoshli Abduraimova esa 320-o'rinni egallab turibdi.

SHuningdek, bugun Nigina Abduraimova juftlik musobaqasida ham kortga chiqadi. Hamyurtimiz Xitoy Taypeyi vakilasi CHin-Ven Xsu bilan tandem hosil qilgan.