Bugun Abduraimova Splitdagi yurishini boshlaydi

Mukofot jamg'armasi 75 000 dollarni tashkil qiluvchi ushbu musobaqada hamyurtimiz Nigina Abduraimova ham o'z imkoniyatini sinovdan o'tkazadi. Mamlakatimizning birinchi raketkasi qura natijasiga ko'ra ilk davrada xorvatiyalik Yana Fettga qarshi kortga chiqadi. Ushbu uchrashuv bizning vaqt bilan soat 14:30da boshlanadi. 

Taqqoslash uchun, Nigina Abduraimova WTA reytingida 240, Yana Fett esa 171-o'rinni egallab turibdi. Tennischilar shu kungacha o'zaro ikki marotaba to'qnash kelishgan. 2016 yili Tokiodagi turnir doirasida o'tkazilgan ilk bahsda Fett g'alaba qozongan. O'tgan yili aynan Splitdagi turnirda Abduraimova etti yil avvalgi mag'lubiyat uchun revansh olgandi. Bugun tennischilar orani ochiq qilib olishadi.